ಒಲವಿನ ನೆನಪು

ಒಲವಿನ ನೆನಪು

ತೊರೆಯದಿರು ಗೆಳತಿ ಎನ್ನ,

ಪ್ರೀತಿ ಅರಮನೆ ಚನ್ನ

ಬಾಳ ಕೊಂಡಿಯ ಕಳಚಿ,

ಮರೆತು ಹೋಗದಿರೆನ್ನ.

ನೀನು ಮರೆತರೂ ಸರಿಯೇ,

ತೊರೆದು ಹೋದರೂ ಸರಿಯೆ,

ನನ್ನ ಮನದಲಿ ಸದಾ ತುಂಬುವೆ ನೀ,

ಅಗಣಿತ ಪ್ರೀತಿಯ ಅಮೃತ ಬಿಂದುಗಳ.

ಕಾಲವು ಎಲ್ಲ ಮರೆಸುವುದು,

ಎಂದು ನೀ ಬಗೆದರೆ ಗೆಳತಿ,

ಹಾಡುವೆನು ಹಾಡಿನ ಪಲ್ಲವಿಯಂತೆ,

ಮತ್ತೆ ಮತ್ತೆ ನಿನ್ನ ನೆನಪನ್ನು.

ನೀ ಮರಳಿ ಬರುವ ತನಕ,

ಪ್ರೀತಿಯ ಒರತೆ ಮತ್ತೆ ಚಿಮ್ಮುವ ತನಕ.

ಬಾಳ್ವೆ ಮುಗಿದರೆ ಹೇಗೆ,

ಎಂಬ ಚಿಂತೆಯೆ ಗೆಳತಿ?

ಹಚ್ಚಿ ಬರುವೆನು ನೀ ಕೊಟ್ಟ

ಒಲವು ಹೊನ್ನಿನ ಬಣ್ಣ

ವಿಶ್ವದ ಪರಿಧಿ ಮೀರಿ,

ನಿನ್ನ ಹಿಂದೆ ಬರುವ ಮುನ್ನ.

(ಸಂದರ್ಭ- ಬಾಳ ಸಂಗಾತಿ ಸಾಯುವ ಮುನ್ನ ಗೆಳೆಯನ ಮಾತುಗಳು)

-ವಿಶ್ವನಾಥ್. ಡಿ. ಎ