ಚಂದ್ರನೆಡೆಗಿನ ವಲಸಿಗರು

ಬೀದಿಯೆಲ್ಲಾ ಜನಗಳು
ಒಬ್ಬಂಟಿಗಳು,
ಇಬ್ಬದಿಯಲ್ಲೂ ಮನೆಗಳು
ಖಾಲಿ ಮನಗಳು,
ಗುಡಿಯ ತುಂಬ ಭಜನೆಗಳು
ಕಿವುಡು ಕಿವಿಗಳು,
ಹೊರಟಿಹರು ಚಂದ್ರನೆಡೆಗೆ ವಲಸಿಗರು.


ದುಃಖ ತಪ್ತ ಕಂಗಳು
ನೀರಾಡವು,
ಹಣ ತುಂಬಿದ ಕೈಗಳು
ಸಾಲದವು,
ಕತ್ತಲು ತುಂಬಿದ ರಾತ್ರಿಗಳು
ಬೆಳಗುವವು,
ಹೊರಟಿಹರು ಚಂದ್ರನೆಡೆಗೆ ವಲಸಿಗರು.


ಹಿಂದೆ ಎಂದೋ ಒಮ್ಮೆ
ಬದುಕೂ ಇತ್ತು,
ಹೊರಟಿದ್ದರು ಸೂರ್ಯನೆಡೆಗೆ.



- ವಿಶ್ವನಾಥ್. ಡಿ. ಎ (Jonathan King ರ “Everyone’s gone to the Moon”ನ ಭಾವಾನುವಾದ)